“Anbotoko Mari”’ antzerkia, bideo-animazioa, interakzioa eta musika biltzen dituen antzezlan multimedia da. 3 eta 10 urte bitarteko umeei zuzenduta dago.
Iraupena: 55 minutu
Gari, mutiko txoro bat, lagunekin haserretu eta bakarrik abiatuko da Anbotora. Mariren haitzuloan sartu eta harri magikoa lapurtu eta alde egingo du, harria lagunei erakusteko asmoarekin. Anbotoko Mari atzetik abiatuko zaio mendirik mendi eta Garik gero eta magia txoroagoak egingo ditu harriarekin, Marik Tartaloren, iratxoen eta beste jeinu batzuen laguntza eskatu beharko du harria berreskuratzeko.