Matrikulatzeko aukera maiatzean eta irailean irekitzen dugu, bi astez gutxi gorabehera. Webgunean adierazten ditugu data zehatzak.

Dagoeneko ikasleak direnek, martxoan gauzatu behar dute matrikularen berritzea edo baja.

iGunea-tik edo Udalaren webgunetik eskaera orokorra osatu behar da argudioak adieraziz. Eskolak aztertu egingo du eskaria, izan ere, ez dira urtean zehar bajak onartzen (kuotak ordaintzen jarraitzen da ikasturtea amaitu arte).

Instrumentuan itxarote-zerrenda baldin badago eta zerrendako pertsonek esleitutako ordutegian apuntatzeko aukera badute, salbuespena egiten da.

Bai. Bigarren mailako lehen 4 urratsetan derrigorrezkoa da. Modu honetara, ikasleak irakurketa lantzen du eta musika-ezagutzak areagotu: garrantzitsua da entzumena heztea, musikaren egitura ulertzea, eta musikak dituen elementu guztiak erlazionatzen jakitea instrumentuan integratu ahal izateko. 

Helduen-eskaintzari dagokionez, bi urtez eskaintzen dugu Musika Lengoaia. Hala ere, helduak aurrez musika ikasketak baditu, instrumentua soilik ikas dezake.

Ikastetxeko Hezkuntza Proiektuan (IHP) informazio guztia eskuragarri dago. 64/2024 Dekretuak, maiatzaren 21ekoak, arautzen gaituen ikastetxea gara. 

Bai. Kantu koralaren onurak izugarriak dira, batez ere alderdi psikologiko eta emozionalean. Musika-prestakuntzari dagokionez, gure ahotsak nola funtzionatzen duen ulertzen laguntzen digu, eta, hortik, gure ahots-teknika hobetzen. Ahotsa da jaiotzetik gurekin daramagun instrumentua, eta bera kontrolatzeko ezinbestekoa da gorputz-kontzientzia bere osotasunean garatzea. Arnasketa, afinazioa eta interpretazioa lantzeak zuzeneko ondorioak ditu ikaskuntzan. 

Bai. Hala eta guztiz, ikaslearen egoerara egokitzen gara. Talde finkoetan parte hartzeko ezintasuna badago, ganbera-talde txikiak sortzen ditugu edo helburu zehatz batzuk esleitzen dizkiogu ikasleari beste ikasle batekin/batzuekin osatu ditzan.

Aipatu, kasu batzuetan, 2.5 mailatik edo lehenago talderen batean parte hartu ahalko duela ikasleak (instrumentuaren eta ikaslearen mailaren arabera).

Eskola Publiko bat gara plaza mugatuekin, hori dela eta, asistentzia faltak justifikatzea ezinbestekoa da eta jarraipen zorrotza egiten dugu.

Ikastetxearen antolaketa eta funtzionamendua/jarduerak arautzen diren AFA/AJA dokumentuan ditugu argitaratuta asistentzia hutsei dagokion araudia, gainontzeko disziplina araubidearekin batera.

Bai, baina ezinbestekoa izango da instrumentuan maila egokia izatea. Egoera guztiak banan-banan aztertzen ditugu. 

Gehienez bi instrumentutan apuntatuta egon daiteke ikasle bat aldi berean. Horrela onartu eta jasoa dugu dagokigun araudian (AJA).

Musikoterapia klinikoa da eskaintzen duguna, eta ez prebentiboa. Ondorioz, osasun-arloko espezialisten diagnostiko bat aurkeztu edo helarazi behar digu familiak. Haur bakoitzaren egoera banan-banan aztertzen dugu, zalantzak ekidin eta programa aproposak diseinatzeko.