Udal Osoko Bilkurak 2.017ko ekainaren 29an egindako bileran, Gipuzkoako Toki Ogasunei buruzko uztailaren 5eko 11/1989 Foru Arauan xedatutakoa betez, hasierako onespena eman dio ondorengo akordioari:
Lehena.- 2017-2018 ikasturtean ezartzeko xedez, Loinatz Musika Eskolan administrazio-jarduerak egiteagatik eta zerbitzu publikoak eskaintzeagatik dauden tarifak arautzen dituen Ordenantza arautzailearen eranskina aldatzea.
Bigarrena.- Gipuzkoako Aldizkari Ofizialean, Udaletxeko iragarki taulan eta zabalkunde handieneko Gipuzkoako egunkariaren bitartez iragarkia argitaratuta agertzen den azken egunetik aurrera kontatuta, espedientea jendaurrean 30 lanegunez egongo da ikusgai, erreklamazioak aurkeztu ahal izateko.
Hirugarrena.- Inolako erreklamaziorik aurkeztuko ez balitz aipatutako epean, erabakia eta aldatutako Ordenantzaren eraskina behin betirako onartutzat emango dira.
