San Inazio kalea osorik itxiko da apirilaren 4ra arte asfaltatze-lanak direla eta

Datorren astean, martxoaren 31tik apirilaren 4ra bitartean, San Inazio kalea bere osotasunean itxiko da kalea asfaltatzeko lanak burutzeko. Ondorioz, ibilgailuen trafikoa erabat moztuko da, eta hainbat eragin izango ditu inguruko erabiltzaileentzat.  

Trafiko-mozketa eta sarbide murrizketak  

Garajeak eta ibiak: San Inazio kaleko garaje komunitario eta pribatuetara sartzea ezinezkoa izango da.  

Autobus-geltokia: Esteban Lasa 7ko geltokia ez da erabilgarria izango epe horretan. Hurbilen dagoen geltokia Zelaeta Berri plazakoa da.  

Zama-lanak: Kalean zamalanak egitea debekatuta egongo da. Behin-behineko gune bat ahalbidetuko da Erauskin plazan, obrako materialak biltzeko eremu pareko aparkalekuetan. Zamalanetarako gunera sarbidea Nafarroa Etorbidetik egin ahal izango da 7:00etatik 13:00etara, edo Martina Maiz kaletik 7:00etatik 19:00etara.  

Udalak barkamena eskatzen du eragozpenengatik, eta lanak ahalik eta azkarren burutzeko borondatea adierazten du.