Parisko joko olinpikoetan urrezko domina lortu izanak aurtengo sari garrantzitsuenak berarentzat izatea suposatu du
Gizonezko kirolariari saria, Beasaingo Udalaren Ohorezko saria eta Beasain Kirol Sari nagusia jaso zituen Beñat Turrientes Imazek 2024ko Beasain Kirol Sarien galan. Realaren lehen taldeko jokalaria, ohikoa izan da kirol sarietan bere kirol ibilbidean batuz joan den lorpenengatik. Baina aurten Parisen izan ziren joko olinpikoetan lortutako urrezko dominak berriz ere sari nagusia eta gizonezko kirolari nabarmenaren saria jasotzeko merezimendua izan du kirol sarietako epaimahaiaren iritziz.
Beasaingo Udalak ere gala hau aprobetxatu nahi izan du udan lortutako urrezko domina hori aitortu eta goresteko. Beasain Ohorezko Kirol Sariarekin, Beñat joko olinpikoetan urrezko domina lortu duen beasaindar bakarra izatearen ohorea balioan jarri eta aintzatetsi dio.
Gainontzeko aipamenen eta sarien banaketa jakina zen aldez aurretik iragarrita bait zeuden. Une hunkigarriak bizi izan ziren aipamen eta sarien banaketan eta Beasaingo kirolaren inguruan dabiltzan norbanako, elkarte, babesle eta herritarren topagune izateko asmoari eusteko aldarria egin zen Igartzako jauregian.
Beasaingo Udalaren youtubeko kanaletik zuzenean eskaini zen gala, eta hemendik aurrera ikusgai dago. Era berean, ekitaldiko irudiak ere laster egongo dira Udalaren atarian Beasain Kirol Sariak 2024 atalean.
Hauek izan ziren sarituak:
Emakumezko kirolaria saria: Naxara Odriozola Lekuona (txirrindularia)
Gizonezko kirolaria saria: Beñat Turrientes Imaz (futbol jokalaria)
Urteko kirol ekitaldia: Emakumeen Euskal Kopa (saskibaloia)
Erakunde babeslea: Iturrioz eraikuntzak
Urteko aitortza edo aipamen bereziak:
- Maren Higuero Larreategi (Atletismoa)
- Urko Etxebeste Garin (Atletismoa)
- Lorea Kirol Kluba (Wu-Shu Kung Fu)
- Beñat Garmendia Atxutegi (pilota)
- Murumendi pilota eskola (pilota)
- Endika De las Heras Fernandez (korrikalaria)
- Arriarango Mendi Lasterketa
- X. Garin Mendi Lasterketa
- Arri BKL Pagoeta neskak (saskibaloia)
